5G Home broadband 5大伏位:教你點揀

5G Home broadband家居寬頻近排好hit,好多人都諗緊好唔好上多個5G Home broadband家居寬頻唔洗爭上網爭bandwidth,同埋只要自己將個Sim Router插Sim卡同埋插電就可以上網,超方便,不過咁,話曬都係要簽約(有長有短嘅),除咗要比較5G Home broadband家居寬頻嘅優惠同埋合約期外,仲要留意一啲伏位架!以下就同大家分享受5大5G Home broadband家居寬頻伏位,要上台前都係停一停,諗一諗先啦!

1屋企收唔到5G

呢個係至關重要嘅,唔好以為好多電訊商話差唔多全港覆蓋就真係乜地方都收到,5G同4G嘅其中一個最主要分別係,5G喺室內嘅接受能力會低好多。

即係話,明明在室外個5G都收得好好,但係一入到屋就可能變龜速,有可能仲會跌返落去4G添,咁樣即係就算接收到都得物無所用!

不過呢,而家差唔多間間5G家居寬頻都會提供試用服務,好多都俾你7日慢慢試,試過用過真係上網上得順嘅話先會俾張約縛住,唔係就可以原銀奉還,一個仙都唔洗俾,正!

2SIM Router 要跟台?

5G SIM Router作用係幫你收發5G訊號,以及好多都可以做埋WiFi網路連接,一部機就搞掂,方便。可惜嘅係,5G Home broadband上網的話,就一要個5G SIM Router夾個網先得,所以個牌子同型號有限定。

好多SIM Router只可以在一個電訊商嘅5G網上到,根本嘅可以轉過去第二個網,就算可以平幾百買到個SIM Router,但係又會俾佢縛死,第日要加價都走唔到。又冇理由用過幾千蚊買過另一個Router啫。

我地特別做過個比較,發現有啲型號嘅5G SIM Router係可以幾個台嘅5G都夾到機架,要買 router 就一定要睇!同埋呢,有幾個5G 寛頻plan可以租埋做 router,完約就還返俾佢,都幾方便嘅!

3乜5G網唔係好快乜?

話就話5G個理論速度超快,下載4K電影幾分鐘就搞掂,但係呢,同4G一樣,每一個網絡供應商嘅速度可以分別好大架!暫時實測最快都係 中國移動 CMHK,SMT同3都唔錯架。

室內嘅接收又會特別容易受到干擾架,干擾越大就速度會越慢,有可能幾分鐘都係咁loading。

另外一樣嘢就係經驗話俾我地聽,越多人用就會變慢,尤其係好多時都會發現在peak hours個速度會突然變慢,所以真係要睇睇邊間有推出超平plan吸引咗大批人去用,可能要避開一下,以免成日窒下窒下!

都係果句啦,要搵間有5G家居寬頻試用服務,試過晒日夜peak house上網上得順先好呀!

4唔係話無限數據乜?

而家差唔多間間公司sell家居5G寬頻都係話包埋無限數據,但係,呢個唔係「真.無限」5G數據呀,全部都係有個FUP架,即係用得多過200GB後,會有限速!雖然都係5G網,但係就會限住最快2Mbps或者更低。

好多用家都話,3嘅限速比較認真執行,過咗200Mbps就真係變龜,而SMT數碼通就唔係peak hours會好快下,只係多人同時用時先限速嘅,但係都係夠晒睇下片,聽下歌咁喎。

5除咗月費,仲有額外收費?

係呀,同其他手機 5G SIM plan一樣,標出來個價其實仲有個額外收費,就係 行.政.費,而家公價係$18!

另外,雖然話唔洗搵師傅上來駁線,但係由於個5G接收地點會限死咗,搬都係要通知個台,有啲只有一次搬遷係免費,之後就要收錢!

仲有一啲5G寛頻要俾錢先可以提升個FUP限速一啲,或者俾多啲5G全速數據!全部都係要額外俾架!

上台前記住要問清楚/睇清楚,上網自助上台就可以慢慢比較,唔同嘅額外收費,唔洗俾街霸亂講!同埋呢,有啲台自己上網上台可以免收行政費,同埋若果電話plan係上同一間又會有得平啲架,記住要睇埋!

上5G Home broadband無線寛頻雖然係好方便,但係上台前都要留意呢幾點,以免收得唔好又要俾多好多錢,失晒預算!緊記住以上咁多點,你都可以精明上5G寛頻啦!當然,有乜5G寛頻優惠我地會第一時間送上,記住留意我地嘅介紹啦!