5大原因影響5G Home broadband/光纖寬頻嘅速度

有冇試過網絡接收時好時壞、時快時慢呢?有時一個地方明明收得好好,行過兩步就收唔到,或者窒下窒下。其實有好多因素影響5G/broadband嘅速度,呢篇文章就會同大家分析影響寬頻速度嘅原因。

1Wi-Fi Router同上網電腦/電話距離/阻隔

在屋企裡面,大家一定試過有啲地方上網好快好順,有啲地方就lag下lag下,點解呢?通常都同部電腦/電話以及Wi-Fi Router之間嘅距離同埋有乜阻隔有關。

簡單來說,越近部Router上網就會越快越順。同埋中間冇乜阻隔就越好。若果中間隔咗實心牆的話,接受一定差好多,若有金屬牆面裝飾,可能就會接收唔到添。

呢個時候,可以再買多個WiFi Router裝佢改為Repeater,放在可以直線見到原本個Router同你想上網嘅地點嘅位置,佢就會變成一條橋(Bridge),幫你將WiFi訊息避開阻隔物。

另一個方法就係用 Mesh WiFi Router再加上擴充器,放在全屋經常上網而Mesh WiFi裝置之間又溝通到嘅地方,互相結連,令到全屋都可以上網。

2路由器(Router)嘅技術/型號

路由器係屋企裡面接駁互聯網供應商嘅第一個設備,對於速度嘅影響都好多大,我們必定要選擇一個頻寬要大於寬頻網速嘅Router,先至可以發揮到最大嘅上網速度架。即係咁講,若你以前買落一個300M嘅Router,而家上咗1000M計劃,咁你上網都係只可以有300M而唔會上到1000M。

不過,現在上網由於係用光纖,好多時個Router係由供應商提供,仲會有埋WiFi,應該速度上就唔會有乜問題嘅,除非你在原本嘅Router外再駁多個Hub/Router啦。

若果係5G Home broadband上網的話,就要睇埋個5G Router夾唔夾個網。

3用來上網嘅電腦/電話嘅速度

用5G Home broadband/光纖寬頻上網嘅時候,電腦同電話其實要計算好多嘢,所以就會變得有點熱,若果電腦/電話嘅速度唔夠快,下下都計唔切,就會拖慢整體嘅速度。另外仲有:

  • [用寬頻線上網] 一些舊型號設計嘅上網卡只係去到100M,唔能夠上1000M
  • [用WiFi上網] 一些舊型號嘅設備唔支援最新嘅無線傳輸技術如只係去到802.11a (即係WiFi2)而唔係最新嘅802.11ax (即係最新嘅WiFi6 有9608Mbs),速度就只係去到最高嘅理論值54Mbps,實際可能得幾Mbps咋。

4同時間上網嘅裝置數目

呢點好容易明白嘅,因為上網嘅 bandwidth 係得咁多,越多人分就一定會越慢,雖然而家啲Router在分工嘅工序上做得好好多,有啲可以同一時間連上百幾部裝置,但係始終 bandwidth 有限,多人用一定會慢啲。

仲有就係同一時間有幾多人用緊你果間上網公司,多人用又有機會慢啲。又要再睇埋有幾多人同一時間去你想去嘅網站,多人用就會拖慢,即係同一時間多人去HKTVmall買嘢,都會搞到個網 lag lag地咁啦。

5網線/Lan線

若果你有啲設備係再經上網線/Lan線接駁的話,果條網線/Lan線嘅規格就會好影響上響傳輸嘅速度架,因為傳輸速度越快,就要越少interference先可以做到,所以若果要去到1000M,就一定至少CAT-5E線或以上。記住check下條線有冇標明係乜規格嘅網線/Lan線呀!不過今時今日,通常都用WiFI,呢個因素影響就少好多。

傳輸速度網線/Lan線規格
100MCAT-5
1000MCAT-5E
2000MCAT-6

另外,若果係用緊/考慮5G Home broadband記住要睇埋營運商嘅5G網絡速度同埋你嘅屋企嘅訊號強弱添呀!所以,若果要選擇5G Home Broadband 5G無線家居寬頻,記住要選一啲有7天免費試用期嘅計劃,先可以慢慢試清試楚,過咗認用期先覺得冇用就真係喊都無為謂!小編都試過裝寛頻明明師傅安裝時一切OK,但師傅走了就收唔清!